சென்னை கன்னிமாரா நுõலகத்தின் எதிரே அம்பாசிடர் பல்லவா ஓட்டலில் தனது தந்தையுடன் சேர்ந்து தன்னுடைய ஓவியங்களையும் கண்காட்சிக்கு வைத்திருந்தார் ஓவியச்சிறுமி எம்.எஸ். சுவேதா.
*உங்களுடைய குடும்பம் பற்றி?
அப்பா எஸ்.ஜி.மகாதேவன் பிளாஸ்டிக் இண்டஸ்ட்ரி வெச்சிருக்கார். பிளாக்அண்ட் ஒயிட்ல கோட்டோவியங்களும் வரைவார். அம்மா சுதா மகாதேவன் கர்நாடிக் இசை பாடகர். வீட்டில் கர்நாடக இசை சொல்லித் தர்றாங்க. அண்ணன் பாலசுப்பிரமணியன் பிளஸ் டூ படிக்கிறார் . வயலின் கத்துக்கிறார். அப்பறம் தாத்தா சுப்பிரமணியம் ஜோதிடம் பார்க்கிறார்.பாட்டி சுப்புலட்சுமி. அப்பறம் அப்பாவோடு கூடப்பிறந்தவங்கன்னு எல்லோருமா கூட்டு குடும்பமா இருக்கோம். நான் சின்மயா வித்யாலயாவில ஏழாம் வகுப்பு படிக்கிறேன்.
* ஓவியத்தில் சாதித்துக் கொண்டிருப்பது பற்றி ?
2007ல் தேசிய அளவில் நடைபெற்ற ஐடிசியின் இளைஞர்களுக்கான ஓவியப் போட்டியில் விருது பெற்றேன்.அது விண்வெளி பற்றிய ஓவியம். மேலும், என்னுடைய ஓவியம் ஒன்றுக்கு லண்டன் பத்திரிகை ஒன்று எனக்கு பரிசாக இருபது பவுண்டுகள் கேஷ் அவார்டு கொடுத்தார்கள். தமிழ்நாடு வன இலாகா துறை நடத்திய போட்டியில் மாவட்ட மற்றும் மாநில அளவில் முதல் பரிசு வாங்கினேன். உலக அளவிலான பிடிலைட் ஓவியப்போட்டியிலும், டாபாஸ்யா ஸ்கூல் ஆப் ஆர்ட் நடத்திய போட்டியிலும் முதல்பரிசு கிடைத்தது. மதுரை பாரத் யுவ கேந்திரா டிரஸ்ட் எனக்கு யுவஸ்ரீகலாபாரதி விருது கொடுத்தார்கள். இப்படி அறுபதுக்கும் மேற்ப்பட்ட போட்டிகளில் கலந்துகொண்டு நிறைய பரிசுகளை பெற்றிருக்கிறேன்.
* எப்போதிலிருந்து உங்களுக்கு ஓவியத்தின் மீது ஆர்வம்?
என்னுடைய மூன்று வயதிலிருந்து நான் வரைந்து வருகிறேன். அந்தச்சிறு வயதிலேயே வெள்ளைப் பேப்பர்ல கிரேயான்கள் வெச்சுக்கிட்டு படங்களை வரையத்தொடங்கியிருக்கிறேன். காரணம் அப்பாவும் வரைஞ் சுக்கிட்டு இருக்கறதால அதைப்பார்த்து நானும் கிறுக்கிட்டு இருப்பேன். பள்ளியில் நடத்தின ஓவியப்போட்டிகள்ல நிறைய பரிசு வாங்கியிருக்கேன். ஓவியபயிற்சியை லாவண்யாங்கற ஓவிய ஆசிரியர்க்கிட்ட கத்துக்கிறேன். கிளாஸ் பெயிண்டிங், பேப்ரிக் பெயிண்டிங், ஸ்பாட் பெயிண்டிங் ஆறுவயதில கத்துக்கிட்டேன். எட்டு வயசுல தக்ஷின் பாரத் இந்தி பிரசார சபாவில் இரண்டு இந்தி பரிட்சையிலும் தேர்ச்சி பெற்றிருக்கேன். என்னுடைய ஒன்பதாவது வயதில நான் வரைந்த போஸ்டர் கலர், வாட்டர் கலர் , ஆயில் பெயிண்டிங்க்ஸ் எல்லாம் காட்சிக்கு வெச்சிருக்கேன். இது தவிர கர்நாடக சங்கீதத்திலும் ஆர்வம் இருக்கு. அதை என்னுடைய அம்மா சுதா மகாதேவன்கிட்ட கத்துக்கிறேன். ஆல்இண்டியா ரேடியோவின் ஓய்வு பெற்ற பாடகர் சியாமளா வெங்கட்ராமன்கிட்ட அம்மா கத்துக்கிட்டாங்க. செஸ் விளையாட்டிலும் போட்டியிட்டு பள்ளி அளவிலான போட்டிகளில் வெற்றி பெற்றிருக்கிறேன். எங்கள் குடும்பம் கூட்டுக் குடும்பம்ங்கறதால் எல்லோரும் என்னை ஊக்கு விக்கிறார்கள். இது தவிர பள்ளியிலும் ஆசிரியர்கள், என்னை ஊக்கப்படுத்தறாங்க.
கருத்துகள் இல்லை:
கருத்துரையிடுக