மாணவ மாணவிகள் தனித்தன்மையுடன் இருந்தால்தான் சாதனை படைக்க முடியும் - அப்துல்கலாம்

திருச்சி சத்திரம் பஸ் நிலைய பகுதியில் உள்ள எஸ்.ஆர்.சி. கல்லூரியில் 60வது ஆண்டு விழா நடந்தது. விழாவில் முன்னாள் ஜனாதிபதி அப்துல்கலாம் பேச்சு


மாணவ மாணவிகள் தனித்தன்மை பெற்று இருக்க வேண்டும். தனித்தன்மையுடன் இருந்தால்தான் சாதனைகள் படைக்க முடியும். மின்சார பல்பை கண்டுபிடித்த தனித்தன்மை உடையவர் எடிசன். விமானத்தை கண்டுபிடித்தது ரைட் சகோதரர் களின் தனித்தன்மை.

 சர்.சி.வி. ராமனின் தனித்தன்மை ஒளிச்சிதறலை கண்டு பிடித்தது. காந்திக்கு அகிம்சை தனித்தன்மை. இதனால்தான் அவர்களால் வரலாற்றில் இடம் பிடிக்க முடிந்தது. எனவே மாணவ மாணவிகள் தனித்தன்மையை வளர்த்து கொண்டால் வரலாற்றில் இடம் கிடைக்கும்.
மாணவிகளுடன் அப்துல் கலாம் கலந்துரையாடினார். அப்போது ஹேமலதா என்ற 10ம் வகுப்பு மாணவி குழந்தைகள் முதல் விஞ்ஞானி. அவர்கள் 90சதவீதம். 10 சதவீதம் தான் கடவுள் என்று கூறியுள்ளீர்கள். ஏன் அப்படி கூறினீர்கள் என்று கேட்டார். அதற்கு பதில் அளித்த அப்துல்கலாம். குழந்தைகள் தான் அதிகமான கேள்விகள் கேட்கிறார்கள்.

2 வயது முதலே கேள்வி கேட்க ஆரம்பித்து விடுகிறார்கள். கேள்வி கேட்பவர்களால்தான் படைப்பை உருவாக்க முடியும்.எனவே குழந்தைகள்தான் முதல் விஞ்ஞானிகள் என்றார்.   இன்னொரு மாணவி வேற்று கிரகங்களில் மனிதர்கள் வசிக்க முடியுமாற என்று கேட்டார். அதற்கு ள்பால்வெளி மண்டலத்தில் ஏராளமான நட்சத்திர கிரககூட்டங்கள் உள்ளது. எதிர்காலத்தில் அது சாத்தியமாகும் என்று அப்துல்கலாம் கூறினார்.

இயற்கை சீற்றததை முன்பே கண்டறிந்து மக்களை காப்பாற்ற முடியாதா? என்ற இன்னொரு மாணவியின் கேள்விக்கு பதில் அளித்த அப்துல்கலாம் பூகம்பத்தை தவிர மற்ற இயற்கை சீற்றங்களை முன்கூட்டியே கண்டறிய வசதி உள்ளது. பூகம்பத்தை முன்கூட்டியே கண்டறிய இன்னும் 10 ஆண்டுக்குள் விஞ்ஞானம் வளர்ந்து விடும் என்று கூறினார்.

விழாவில் கலந்து கொண்ட அப்துல் கலாம் காலணியை நிகழ்ச்சி முடிந்ததும் அணிய சென்றார். அப்போது ஒரு காலணி புரண்டு கிடந்தது. உடனே அவரது பாதுகாப்பு அதிகாரி அந்த காலணியை எடுத்து கொடுத்து அவருக்கு உதவ முயன்றார்.

அவரை தடுத்த அப்துல்கலாம் தானே காலணியை எடுத்து அணிந்து கொண்டார். இதை பார்த்த மாணவர்கள் மற்றும் விழாக்குழுவினர் அவரது எளிமையை, பண்பை வியந்து பாராட்டினர்.
THANKS TO DINAMALAR