லிங்க் பில்டிங்

இவ்வாறு தொடர்பு படுத்துவதன் மூலமாக இணைய தள டிராபிக்குகளை குறைக்க முடிவதோடு நமது இணைய தளத்தின் சர்ச் இன்ஜினின் தரமும் முன்னேற்றம் பெறுகிறது. இதன் காரணமாக இன்றைய தினம் லிங்க் பில்டிங் பணிகள் முக்கியத்துவம் பெற்றுள்ளன. குறிப்பாக கடந்த 2 அல்லது 3 ஆண்டுகளில் பல்வேறு வேலை வாய்ப்புகளைத் தரும் துறையாக இது மாறி வருகிறது.

ஏற்கனவே இணைய தள சேவை புரிந்து வந்த பல்வேறு இந்திய நிறுவனங்கள் தங்களது தொழிலை லிங்க் பில்டிங் துறையோடு விரிவுபடுத்தி வருகின்றன. கூகுள் போன்ற சர்ச் இன்ஜினை நடத்தி வரும் நிறுவனங்கள் இதற்காக செலவாகும் பணத்தை மிச்சப்படுத்த லிங்க் பில்டிங் மிகவும் உதவும் என்றே நம்புகின்றன. இணைய தள சேவைகள் பொதுவாக அமெரிக்கா மற்றும் ஐரோப்பாவை மையமாகக் கொண்டு இயங்குவதால் இந்த நாட்டில் இயங்கும் இணைய நிறுவனங்கள் லிங்க் பில்டிங் பணிகளை அவுட்சோர்சிங் செய்ய முடிவெடுத்துள்ளன.

அவுட்சோர்சிங் பணிகளின் தலைமையகமாக விளங்கும் இந்தியாவுக்கே லிங்க் பில்டிங் பணிகள் வெகுவாரியாக தரப்படவுள்ளன. குறைந்த செலவு, அதிக நேரம் பணி புரியும் தன்மை, ஆங்கில மொழியறிவு போன்ற காரணங்களால் இந்தியர்கள் இந்தப் பணிகளைத் தட்டிச் செல்கிறார்கள்.

லிங்க் பில்டிங் பணிகளை அறிவியல், கலை, நிர்வாகம், இன்ஜினியரிங், கம்ப்யூட்டர் போன்ற படிப்புகளைப் படித்துள்ள யார் வேண்டுமானாலும் செய்ய முடியும். சாப்ட்வேர் துறையுடன் ஒப்பிடுகையில் "லிங்க் பில்டிங்'கைப் படிப்பது மிகவும் எளிதானதாகவே இருக்கிறது. பட்டப்படிப்பு முடித்து நல்ல தகவல் தொடர்புத் திறனும் ஆங்கில அறிவும் கொண்ட யார் வேண்டுமானாலும் இந்தப் பணிகளைச் செய்ய முடியும். இந்தத் தகுதியுடைய இளைஞர்கள் இந்தியாவில் ஏராளமாக இருப்பதுடன் குறைந்த செலவில் நிறைவாக இந்தப் பணிகளைச் செய்வார்கள் என்று பன்னாட்டு நிறுவனங்கள் நம்புகின்றன.

லிங்க் பில்டிங் பணிகளை அதற்கான தனி நிறுவனங்கள் மூலமாகவோ அல்லது தனி நபராகவோ செய்யலாம் என்றாலும் அன்னியச் செலாவணி பிரச்னைகள், பணம் பெறுவதிலுள்ள சிக்கல்கள் காரணமாக ஒரு நிறுவனத்தின் வாயிலாக செய்வதே அறிவுறுத்தப்படுகிறது.

மென்பொருள் ஏற்றுமதி, புதிய ஐ.டி. பார்க்குகளுக்கு அனுமதி, கல்வித் தர மேம்பாடு போன்ற அரசின் கொள்கைகளாலும் கூகுள் போன்ற நிறுவனத்தின் அதிகரித்து வரும் செல்வாக்காலும் லிங்க் பில்டிங் துறையானது இன்றைய இளம் இந்தியர்களுக்கு மற்றுமொரு அரிய வாய்ப்பாக மாறக் காத்துள்ளது. இந்திய ரூபாய்க்கு நிகரான அமெரிக்க டாலரின் மதிப்பானது சற்றே குறைந்த போதும் அவுட்சோர்சிங்கின் மற்றொரு புதிய பரிமாணமாக மாறவுள்ள லிங்க் பில்டிங் துறையும் பிரமாதமான வளர்ச்சியை எட்டவிருக்கிறது என்றே கூறலாம்.