ஆந்திர முதல்வர்பாராட்டிய சகலகலா வல்லவர்!

சமீபத்தில் பட்டி,தொட்டி, சிட்டிகளில் குழந்தைகள் அதிகமாய் முணுமுணுத்த பாடல் "சூச்சூ மாரி'. "பூ' படத்தில் இடம் பெற்ற இந்தப் பாடலைப் பாடியவர்
சென்னை அசோக்நகரைச்  சேர்ந்த எஸ். பார்த்தசாரதி. இவர், ஜி.ஆர்.டி மகாலட்சுமி வித்யாலயா மேல்நிலைப் பள்ளியில் 9ம் வகுப்பு படித்து வருகிறார். படித்துக் கொண்டே பல சாதனைகளையும் , திறமைகளையும் தனக்குள்ளே வளர்த்துக்கொண்டு, வளர்ந்து வருகிறார்.
இசை ஆர்வம் வந்தது எப்படி?
சின்னவயசில இருந்தே பாடுவேன். எந்தப் பாட்டைக் கேட்டாலும் திரும்பி பாடிப் பார்ப்பேன். அப்படிஇசையில  ஆர்வம் வந்தது.பிறகு
அதுக்கான பயிற்சியை  மேண்டலின்  முத்து, டிரம்ஸ் கோபால், இந்துஸ்தாணி இசைக்கலைஞர் வீரேஷ் மாதுரிகிட்ட இசையை கத்துக்கிட்டேன்.
திரைப்பட பாடல்பாட வாய்ப்புஎப்படி வந்தது?
பிரபல டி.வி. ஒண்ணுல இசைநிகழ்ச்சி போட்டி  நடந்தது.அதுல நிறைய பேர் கலந்துக்கிட்டு பாடினாங்க. நான் நல்லா பாடினதைப்பார்த்த  இசையமைப்பாளர் எஸ்.எஸ்.குமரன் எனக்கு  பூ படத்தில “ ச்சூ ச்சூ மாரி பாட்டுக்கு  வாய்ப்பு கொடுத்தார்.தவிர
பள்ளிகள்ல  நடந்த இசைப்போட்டிகள்லேயும் பாடி நிறைய பரிசுகள் வாங்கியிருக்கேன். அப்பறம் , இசைமொட்டுகள்ங்கற இன்னிசை குழுவுல சேர்ந்து நுõத்துக்கணக்குல  பாடல்களை பாடியிருக்கேன்.
இசைதவிர வேற திறமைகள்?
 அபாகஸ்ங்கற  எளிய முறையில் கணக்குகள் செய்ற வித்தையும் கத்துக்கிட்டிருக்கேன். சில ஆண்டுகளுக்கு முன்னே  ஆந்திர மாநில முன்னாள் முதல்வர் சந்திரபாபு நாயுடுவுக்கு முன்னால  மிக கஷ்டமான  அபாகஸ் கணக்குகளை செஞ்சு காட்டி பாராட்டு வாங்கினேன். கணிதமேதை சகுந்தலா தேவியைப் போல நீ கணிதத்தில் சாதனை படைக்கணும்னு  பாராட்டினார்.
பாடல்களை பாடறதோட , கம்போசிங் செய்ற பயிற்சியையும் செஞ்சுக்கிட்டு வர்றேன்.
பொழுது போக்கு?
பொழுது போக்குன்னு சொல்லணும்னா செஸ், கேரம், சட்டில்டு, தபால் தலைகள் சேகரிக்கறது . ஒரு நாள் காலையில் டியூசன் முடிச்சுட்டு  வரும் போது மரத்திலிருந்து ஒரு நாரைப்பறவை  அடிபட்டு விழந்துடுச்சு உடனே புளூகிராஸ்க்கு தெரியப்படுத்தி காப்பாத்திட்டேன். அந்தப்பறவை சரியாகற வரை என்னால சாப்பிட முடியலை. மனுசு கனத்துப்போச்சு .
உங்க வீட்டைப் பற்றி சொல்லுங்களேன்?
எங்க வீட்ல நான்மட்டும் தான். அதனால ஒரு அனாதை இல்லத்திலிருந்து ஒரு பெண்ணை தத்தெடுத்து, அவளை என் தங்கையாக பாவித்து, அவள் படிப்புக்கு உதவிசெய்தேன். என்றார் பார்த்தசாரதி.அவரது திறமைகள் வளரட்டும் என்று வாழ்த்திவிட்டு வந்தோம்.
செல்வகுமார்